هنياله

هنياله كلمن ضحك.....وبصدره ماكو حزن
ومكرود كلمن بجه.....ومقفول باب السجن
وبعيونه باقي الدمع....وشكواه ماتنسمع
من يصرخ ومن يحن؟؟؟
هنياله كلمن سكن..بيت وملك بي سند
ومكرود كلمن تعب ..اجرله غرفه وكعد
ويحسب يظل للشهر
وعالعيشه محني الظهر..ذنبه ابن هالبلد
هنياله كلمن غفه وماعنده اي مشكله
ومكرود كلمن سهر..وبالدنيه محد اله
ويمه حبل المشنقه ..بس فكر بخالقه
واستغفر ونزله
هنياله كلمن فرح ..ابلمه احبابه
ومكرود كلمن يعيش بغرب ..ومحد يدك بابه
وباقي يتاني الموت..ويصرخ بعالي الصوت
اليوم اريد اهلي ..موعيشه بهاي الترف
عايش انا ابغابه